AS RECEITAS DO RESTAURANTE ARCO IRIS

Como sabemos que as quereredes facer na casa, aquí están as receitas que servimos o outro día no noso restaurante:

SANDWICHES DIVERTIDOS

Ingredientes
- Pan de molde
- Salchichón
- Queixo
- Olivas con anchoas

Elaboración
Cortar a rebanada de pan pola metade en forma de triángulo.
Colocar enriba dun dos triángulos de pan unha loncha de salchichón e outra asomando para facer a lingua.
Facer uns cortes no borde dunha loncha de queixo para facer os dentes e poñela sobre o salchichón.
Tapar co outro triángulo e dispoñer dúas metades de oliva facendo de ollos.
Xa temos listo o noso monstro-sandwich!

BOMBÓNS DE ARROZ

Ingredientes
- Chocolate (nós usamos o Nestlé normal)
- Cereais de arroz tipo Choco Krispies de Kellogg's

Elaboración
Derreter o chocolate no microondas.
Mesturalo con cereais ata formar unha masa.
Facer montonciños e deixalos na neveira ata que solidifiquen.
Facilísimos e moi saborosos!