EN 4 ANOS A CELEBRAMOS O DÍA DA MULLER

Este ano, con motivo da celebración do Día da Muller, entre todas as aulas de Educación Infantil elaboramos un mural colectivo adicado ás mulleres máis extraordinarias que coñecemos: as nosas nais. Con debuxos delas e cos seus nomes decoramos esta silueta:

 

Na nosa clase, ademais, descubrimos as historias de moitas outras mulleres extraordinarias grazas a este libro:

 

Quero aproveitar para recomendárvolo, aínda que o título diga "para nenas rebeldes", é moi axeitado tamén para nenos, xa que se trata de educar aos nenos e nenas na igualdade. Recopila 100 historias de mulleres de todo o mundo e de todas as épocas (incluída a actual) que fixeron todo tipo de cousas extraordinarias: hai piratas, astronautas, pintoras, matemáticas, campionas de motocross, activistas, científicas, escritoras, estrelas de rock, inventoras... As historias están moi resumidas pero relatan os logros fundamentais de cada unha destas mulleres, e veñen acompañadas por fermosas ilustracións de estilos moi variados, xa que foron realizadas por 60 ilustradoras diferentes, tamén de todo o mundo.

Por suposto non lles lin as 100 historias, pero si unhas cantas, e o día 8 cada un dos nenos e nenas elixiu unha profesión que as mulleres poden realizar tan ben coma os homes e despois a escribiron (como sempre con escritura espóntanea que despois eu transcribo) e fixeron un debuxo. Así de bonito foi o resultado:

Está claro que cando estes pequenos e pequenas medren teremos unha sociedade máis xusta e igualitaria!